Kryeministri Edi Rama ka vijuar replikat me Lulzim Bashën në lidhje me ndihmën ekonomike. Edhe sot me anë të një postimi në Facebook, ai ka treguar krahasim mes dy banesave, njëra që ka marrë ndihmë ekonomike dhe tjetër që nuk merr.
Sipas Ramës vila trekatëshe merr ndihmë, ndërsa shtëpia e e rrënuar nuk merr ndihmë ekonomike.
Postimi i plotë
Lart vila 3-katëshe e F.P në Malësinë e Madhe që deri dje merrte çdo muaj ndihmë ekonomike dhe poshtë shtëpia e A.H po në Malësinë e Madhe që nuk përfitonte ndihmë ekonomike. Me skemën e re, F.P është përjashtuar dhe A.H është përfshirë në skemë.
Fotot tregojnë qartë se cila nga këto dy familje është në nevojë.
Ndërkohë që po kryhen të gjitha verifikimet e nevojshme për të rivlerësuar çdo familje të hyrë apo të dalë nga skema e ndihmës ekonomike, bashkive u është dyfishuar fondi, nga 3% në 6%, për të përfshirë në skemë familjet realisht në nevojë dhe që nuk përfitojnë nga skema kombëtare.
