Ministri i Energjitikës, Damian Gjiknuri ka përfunduar me dëshminë e tij në Prokurorinë e Krimeve të Renda.
Mësohet se ai ka deshmuar për abuzimin në aksin Tiranë-Elbasan, pasi ka qënë ai që ka bërë kallëzimin për kete çështje.
Gjiknuri mësohet se ka dhënë shpjegime për krijimin e një auditi dhe se çfarë përmban ky audit.
“Në cilësinë e personit që ka dijeni dhe si person kallzues kam dhënë dëshminë time në ndihmë të hetimeve. Nuk kam ndonjë gjë për të shtuar. Çfarë kam pasur për të thënë e kam thënë në audit dhe e kam përsëritur sërish sot, tha Gjiknuri para gazetarëve.
Për dosjen e rrugës Tiranë-Elbasan, janë në pranga tre ish-zyrtarë:
Dashamir Xhika, që ka qenë drejtuesi i Autoritetit Rrugor Shqiptar, Albens Alite dhe Aksel Qurduka, dy ish-drejtuesit e Njësisë së Menaxhimit të Projektit të rrugës Tiranë-Elbasan.
Dëmi i përllogaritur nga Prokuroria për abuzimet me tenderët dhe amendimet e kontratave me kontraktorët shkon në 37 milionë dollarë.
Më herët kanë dëshmuar edhe ish-ministrat e Transporteve të LSI, Edmond Haxhinasto dhe Sokol Dervishaj.
Ndërsa fundjavën e kaluar u pyet nga prokurorja Imeraj edhe kreu aktual i ARRSH, Afrim Qendro.
