Prej tre ditësh Evisa Lika, 36-vjeçarja që humbi bashkëshortin dhe tre fëmijët në aksidentin tragjik të Velipojës, po kurohet në spitalin e Durrësit.
Artur Lika i vëllai, është kthyer nga Italia pas lajmit të kobshëm që të mund t’i japë forcë Evisës, e bashkë me vëllain tjetër e dy prindërit i rrinë tek koka.
“Ne jemi duke i ndejtur afër, do rrimë sa më afër të jetë e mundur, edhe mjekët po i rrinë afër po na ndihmojnë shumë…ajo kur përmendet kërkon vazhdimisht të shkojë në Velipojë e t’i shohë tek varri, por tani s’ecën dot, kur të bëhet më mirë”,- thotë ai.
Vëllai thotë se sot Evisën e ka vizituar sot prifti i Velipojës me të cilin ka folur e është rrëfyer, moment ky që i ka dhënë pak lehtësim për të mposhtur dhimbjen e madhe.
“Ajo është besimtare, çdo fundjavë shkonte në kishë bashkë me fëmijët…I ndikoi për mirë vizita e tij”,- tha më tej Arturi.
