Kryetari i PD-së Lulzim Basha i është përgjigjur kryeministrit Edi Rama i cili deklaroi se qeveria nuk do shpenzojë para për asnjë parazit, duke iu referuar skemës së re të ndihmës ekonomike.
Basha e quan shefin e qeverisë një parazit dhe se paralajmëron protesta të mëdha.
“E mbani mend para 5 vitesh si tha më punësoni që tju punësoj. Pra, qytetarë të Beratit keni punësuar një parazit.
Mos e lejoni të luajë me bukën e gojës së fëmijëve tuaj. Ne nuk do i ndahemi kësaj emergjence kombëtare.
Përballja do jetë në parlament dhe kudo. Ju bëjmë thirrje atyre që gjenden në nevojë ekstreme të mos i nënshtrohen fatit.
Shumica dërrmuese e këtyre familjeve nuk kanë asnjë mundësi tjetër. Protestat e mëdha dhe të organizuara janë detyra e çdo qytetari.
Ne i kemi organizuar, por çdo qytetar duhet të ngrihet për veten e tij. Duke nisur nga ju gazetarët”, tha Basha
