Kreu i Policisë Rrugore, Mitat Tola thotë se do të ashpërsohen masat për përdorimin e celularit nga drejtuesit e automjeteve.
“Ta sqaroj edhe problemin e celularit. Ka një diskutim të madh që donim ta kalonim në 2014.
Kaluam vetëm rripin e sigurimi, dhe sot nga 20% ka kaluar mbi 60% që e vendosin. Bëmë kërkesë që të ashpërsonim edhe për celularin. U pa si një masë shumë e rëndë. Kërkuam dyfishimin.
Ne me celular e humbasim vëmendjen. Për mua duhet të trefishohet. E kemi gati.
Ka ardhur koha që Kodi Rrugor të ndryshojë. Transporti është në lëvizje. Në Shqipëri janë mbi 600 mijë automjete”, tha ai në emisionin “Ekopolitikë”.
