Vdekja e 23 vjeçares mbrëmjen e djeshme në aksidentin tragjik në autostradën Tiranë – Durrës ka tronditur familjarët, miqtë dhe mbarë opinionin publik.
Taksisti Bujar Avdyli mbrëmjen e djeshme rreth orës 23:00 të mbrëmjes është nisur nga lagjja nr:3 e qytetit të Durrësit pa e ditur që do të bënte rrugën e fundit të jetës, me taksinë që do t’i sillte vdekjen jo vetëm atij, por edhe 23-vjeçares Elena Avdillari, pasagjere.
Thuhet që taksia u godit nga pas prej një makine luksoze, një “Benz” me targë AA 060 SP, që drejtohej nga tropojani Fatjon Zhaporja, por mbetet ende mister, nëse aksidenti ka qënë i qëllimshëm, apo i rastësishëm. Dyshimet i shton më shumë fakti që drejtuesi i mjetit luksoz që udhëtonte me shpejtësi rreth 200 km/orë, pas aksidentit është zhdukur.
Policia fillimisht tha se po hetonte mbi dy pista: Në një ngjarje aksidentale, dhe në një me dashje.
Duket se dyshimet të dërgojnë në pistat e një vrasjese që ndoshta mund të jetë bërë për prishje pazaresh.
Ose Elena ka tentuar të dalë nga skemat e pazareve që mund të ishte futur dhe menjëherë është kercënuar, gjë e cila mund ta ketë “anulluar” edhe udhëtimin e saj për në Itali.
Pasi identiteti i 23 vjeçares u bë i ditur, e ëma në një intervistë u shpreh se Elena punonte në Itali dhe se shpesh i ndihmonte me lekë, gjë që i jep akoma më shumë kuptim ngjarjes.
“Vajza shkonte shpesh në Itali, kjo ishte hera e katërt. Punonte me disa shoqe atje.
Kishte me vete 600 euro, dhe garancinë e udhetimit.
Nuk e di se çfarë problemi pati vajza që nuk u nis për Itali. Elena ishte e martuar por jetonte tek ne. Lajmin e mora vesh nga shoqet e saj në Itali. Une punoj ne fshese turni i 3 cdo nate”, tha e ëma.
Kujtojmë se fakti që shoferi ka qënë i shoqëruar në makinë ku është gjetur gjak në sedilje dhe që nuk dorezohën në polici e forcon më shumë dyshimin që ngjarja mund të jetë vrasje me dashje nga trafikantët e prostitucionit.
/AlpeNews.al/
