Më 1 shkurt erdhi në jetë Stormi Webster, vajza e Kylie Jenner dhe Travis Scott. Që para se të vinte në jetë, Stormi ka qenë kryefjala e mediave të huaja pasi Kylie Jenner u mundua të qëndronte sa më larg paparacëve për 9 muaj duke e shtuar kështu edhe më shumë kuriozitetin.
Më 4 shkurt më e vogla e familjes Kardashian vendosi ta ndajë gëzimin me të gjithë duke sqaruar edhe arsyen pse e kishte mbajtur të fshehtë.
Ndërsa babai i vajzës është prononcuar vetëm disa javë më pas. I pyetur dje nga fotografët “Si është bebi”, Travis ka kthyer një përgjigje shumë të ëmbël që ka pushtuar mediat.
“Ajo është e bukur”, ka thënë reperi duke folur kështu për herë të parë për vajzën e tij.
