Nuk ka një garë të përcaktuar, as ndonjë statistikë që të verifikojë se kush e mban rekordin e arrestimeve në rangun e drejtorëve në nivel partiak në qeverinë Rama-Meta, por fakt është se deri më sot kemi një numër të konsiderueshëm drejtorësh të arrestuar të cilët vijnë nga radhët e Partisë Lëvizja Socialiste për Integrim.
Rasti më i fundit është ai i dy ish ministrave, Edmon Haxhinasto e Sokol Dervishaj që jo më larg se këtë javë, u thirrën nga Prokuroria për të dëshmuar mbi hetimet për për llogari të dosjes së rrugës Tiranë-Elbasan.
Të dyshuarit:
Ish ministri dyshohet se se ka dijeni per detajet, rrethanat dhe procedurat e personave qe jane përfshirë deri tani zyrtarisht dhe jane nen akuze per skandalin e rrugës Tiranë-Elbasan.
I pyetur për rrethanat e çështjes për të cilën jane arrestuar dy ish drejtore te pergjithshem rrugesh, Haxhinasto u shpreh se u pyeta per veprimtarine time si minister ne periudhen kur kane ndodhur edhe zhvillimet rreth dosjes qe po hetohet.
Kjo ishte hera e pare qe Haxhinasto u thirr per tu mare ne pyetje nga hetuesit dhe prokuroret e skandalit ku besohet se ka abuzime me fonde qe shkojne ne dhjetra miliona euro. Më herët ai ka deklaruar se nëse ndaj tij do të ketë hetime politike ai do të kundërpërgjigjet shumë ashpër politikisht, pa e saktësuar deri më sot se çfarë nënkupton me një deklaratë të tillë.
Fill pas Haxhinastos, mësohet se një tjetër ish-minister i Transporteve i LSI Sokol Dervishaj, do paraqitet në Prokurorinë e Krimeve të Rënda për tu pyetur lidhur me ndërtimin e autostradës Tiranë-Elbasan. Ai u paraqit sot në Prokurori por nuk dha asnjë koment mbi çka u pyet.
Arrestimi i fundit, është ai i Damian Xhikës, ish Drejtori i Autoritetit Rrugor Shqiptar. Dashamir Xhika, ishte një nga drejtuesit e lartë të institucioneve shqiptare, i cili mesohet se është arrestuar, pas dosjes të një dëmi rreth 50 milion euro, shkaktuar për ndërtimin e rrugës Tiranë- Elbasan.
Po kush janë disa nga drejtorët e arrestuar deri më sot që i përkasin LSI-së:
21 Shkurt 2017: Ish-drejtori i Përgjithshem i Burgjeve Artur Zoto vihet në pranga nën akuzën për korrupsion.
Zoto u arrestua me kërkesë të prokurorisë me akuzën “korrupsion pasiv” në kuadër të hetimit të nisur pak kohë më parë, ku në pranga u vu edhe ish-zëvendësi i tij, Iljaz Labi.
Artur Zoto, pjesë e LSI u emërua drejtor i Burgjeve në vitin 2013, ndërsa në korrik të 2016 dha dorëheqjen pas skandalit me tenderat e ushqimeve që përfshiu institucionin që drejtonte.
Më 29 shtator 2014, Policia e Durrësit, arrestoi drejtorin e Inspektoriatit të Mjedisit Durrës, Genc Balla,bashkë me vartës të tij, të cilët shtrëngonin për mitmarrje një kompani shqiptaro-kineze. Edhe Balla ishte i emëruar nga LSI.
Në tetor 2014 u arrestua drejtori i Burgut Rrogozhinë, Ferdinand Doksani së bashku me dy mjekë, me akuzë se krijonin raporte false mjekësore për të dënuarit, me qëllim që këta të fundit të merrnin leje shpërblyese të pamerituara. Edhe Doksani ishte i emëruar nga strukturat e LSI-së.
Në nëntor të 2014, Policia e Lushnjës ndaloi me urdhër të Prokurorisë, drejtoreshën arsimore në këtë qytet,Luiza Tabaku, e cila u merrte shuma të konsiderueshme mësuesve të rinj me qëllim për ti punësuar.
Më qershor 2015, Policia e Tiranës me urdhër të Prokurorisë arrestoi Drejtorin Rajonal të Fondit të Detyrueshëm të Kujdesit Shëndetësor, Pjerin Xhuvani, I cili ishte pjesë e zyrtarëve të dyshuar për abuzim me fondin e ilaçeve të rimbursueshme, ku dëmi llogaritej në vlerën e 500 mijë eurove. Xhuvani ishte kryetar I LSI-së në Elbasan.
Më 27 qershor 2015, arrestohet në Tiranë, drejtori I Vlerësimit Mjedisor në Ministrinë e Mjedisit, Albert Topçiu, ndërsa po merrte 2 mijë euro rryshfet, drejtuesit të një subjekti ndërtues. Albert Topçiu ishte njëkohësisht edhe drejtues I degës së LSI-së Fier.
Më 14 korrik 2015 arrestohet drejtori i Hipotekës Lushnjë, Elvis Bajazi bashkë me shoferin e institucionit. Ata u kapën në kushtet e flagrancës, duke marrë rryshfet për dhënien e një çertifikate pronësie në Lushnje.
I fundit në radhë është Robert Shtëmbari, Drejtori i Emergjencave Civile në Lushnje, i cili u arrestua mengjësin e datës 4 nëntor 2015 me akuzën korrupsion pasiv të personave që ushtrojnë funksione publike. Shtëmbari I kishte kërkuar 1 milion lekë një qytetari në Lushnje në këmbim të një vendi pune.
/AlpeNews.al/
