Një tjetër ish-minister i Transporteve i LSI Sokol Dervishaj, do paraqitet në Prokurorinë e Krimeve të Rënda për tu pyetur lidhur me ndërtimin e autostradës Tiranë-Elbasan.
Fletë-thirja e prokurorisë është parashikuar që Dervishaj të meret në pyetje ditën e sotme në ambjentet e prokurorisë.
“Shqiptarja.com” mëson se tashmë fletë-thirja Dervishaj i është komunikuar dhe se është planifikuar që ai të pyetet sot në prokurori. Dervishaj do pyetet me detaje lidhur me kontratat e reja të lidhura për ndërtimin e rrugës Elbasan-Tiranë.
Sokol Dervishaj ka qënë ministri i fundit i bashkëqeverisjes “Rama-Meta”. Dervishaj la detyrën e tij, fill pasi në pushtet erdhën të vetëm socialistët, të cilët vendosën shkarkimin e Dervishaj dhe në vend të tij emëruan ministrin aktual të Transporteve dhe Energjitikës Damian Gjiknuri.
