Kënga Magjike është padyshim një prej eventeve më të mëdha të muzikës në vend, por njëkohësisht ka gjeneruar mjaft thashetheme që “gumëzhijnë” në mesin e artistëve dhe në media.
Edhe Fifi nuk mund t’i shpëtonte vazhdës se thashethemeve në edicionin e kaluar të festivalit, ku thuhej se këngëtarja kishte premtuar tekste me çmime të lira kundrejt pikëve të mëdha.
E pyetur në emisionin Thumb të Aulonës dhe Fatmës, për këtë fakt, Fifi ka mohuar çdo thashethem.
“Kush ta ka thënë këtë [qesh]? Njerëzit e vegjël merren me thashetheme. E s’mund të më rrëzonin!”, – u shpreh Fifi.
