Marrëveshja e Kosovës dhe Malit të Zi për çështjen e vijës kufitare është quajtur lajm i mirë nga kryeministri i Shqipërisë, Edi Rama. Kreu i qeverisë shqiptare, i cili ndodhet në Kosovë për festën e Pavarësisë, pasi është nderuar me “Medaljen e Pavarësisë”, e ka cilësuar vendim pozitiv këtë marrëveshje, dhe ka inkurajuar përfaqësuesit kosovar që sa më shpejt ta votojnë demarkacionin.
“Dua t’ju përgëzoj për atë që ju bëtë së bashku me presidentin e Malit të Zi si një hap i vendosshim drejt finalizimit të një procesi që të mbyllet në këtë moment historik me rastin e 10-vjetorit të pavarësisë për t’i hapur rrugën Kosovën që të lëvizin lirshëm. Pra, për të dëshmuar seriozitet dhe përkushtim nga shteti i Kosovës në arenën ndërkombëtare si një shtet që di të respektojë marrëveshjet”, tha kryeministri Rama.
