Kamerat e sigurisë kanë mundur të fiksojnë ekzekutorin e biznesmenit 64-vjeçar Memli (AFRIM) Begalla, i cili dyshohet të jetë vrarë për për borxhe të vjetra të pashlyera.
Duke u nisur edhe nga mënyra se si ka vepruar vrasësi dhe lëvizjet që ka bërë, ekspertët e policise kriminale kanë dyshime të forta që mund të jetë një killer me pagesë.
Behet fjale per nje vrases profesionist ndoshta per shkak te veshjes, gjakftohtesise me te cilen ka vepruar, maskimin, armen me selicniator qe ka perdorur, prçizionin me nje goditje fatale direkt ne koke dhe qetesine e sigurine me te cilen eshte larguar nga vendi i ngjarjes.
Duke iu referuar gjithnjë pamjeve te regjistrimeve të kamerave të sigurisë, thuhet se autori mbante te veshur një xhaketë të bardhë, të mbërthyer deri te buzët. Në kokë ka patur një kapele te rasur fort mbi sy, e cila nuk lejon që t’i dukeshin tiparet e fytyrës.
Pasi ka qëlluar mbi biznesmenit, ai dallohet duke ecur me hapa të lehtë, pa rë në sy. Fillimisht ecën në këmbë e më pas e ndihmon një makinë për tu larguar te sheshi “Willson”. Me siguri, ka qene bashkepunetori i tij, qe e ka ndihmuar te largoheshin me shpejtesi vendit te ngjarjes e per ti shpetuar ndjekjes se mundshme te policise.
Autori besohet nisur nga pamjet filmike, se ka qenë një person i gjatë rreth 1.70 metër i gjatë. Policia po heton në dy pista në lidhje me vrasjen e biznesmenit, i cili u qëllua me një plumb në kokë mbrëmjen e të mërkurës (14 shkurt 2018) në Tiranë.
64-vjeçari i cili më parë njihej edhe me emrin Afrim, u qëllua për vdekje sapo tentoi të hipte në makinën e tij, pranë një parkingu në rrugën “Nikolla Tupe”, në ish-Bllok të Tiranës.
Burime të Mjekësisë Ligjore saktësuan se vrasësit e kanë qëlluar jo më larg se 5 metra, ndërsa predha e pistoletës ndodhej ende në kafkë, për shkak të efektit zbutës të silenciatorit.
Alpenews.al
