Superylli i Real Madridit, Cristiano Ronaldo, thotë se ekipi i tij ka edhe shumë punë para një kualifikimi të mundshëm në rrethin tjetër të Ligës së Kampionëve.
Ronaldo është bërë lojtari i parë që ka shënuar 100 gola për një klub të vetëm në garën më të madhe të futbollit evropian.
Ylli portugez shënoi një dygolësh që ndihmoi Los Blancos që të vulosin një fitore të rëndësishme para tifozëve të vet.
“Tifozët na ndihmuan shumë dhe kam ndjerë ngrohtësinë e tyre. Kështu duhet të jetë gjithmonë”.
“Goli i Marcelos ishte shumë i rëndësishëm, ai ka luajtur shumë mirë dhe meriton të marr lëvdata”.
“Asgjë nuk ka mbaruar me këtë sfidë. Ne duhet të shkojmë në Paris dhe të shënojmë gola, të jemi të qetë dhe të kualifikohemi në fazën tjetër”, potencoi Cristiano.
Ronaldo pos dy golave pati edhe dy-tri raste shumë të mira në këtë takim që nuk i realizoi.
