Amerikani Shaun White fitoi sot medaljen e artë olimpike në snowboarding, e treta në karrierën e tij, falë një gare mjeshtërore në Olimpiadën Dimërore të Piong Çangut në Korenë e Jugut.
31 vjeçari White ai doli të kalojë rivalët nga Japonia dhe Australia, të cilët fituan respektivisht medaljen e argjendtë e të bronzit.
Me këtë medalje të artë sot, White shlyen dështimin e katër vite më parë për t’u ngjitur në podiumin e medalistëve në olimpiket e Soçit.
Ai ka fituar medaljen e artë në 2006 në Torino dhe olimpiket e Vancouverit 2010 duke u shdërruar në një yll të madh të sportit.
Medalja e artë e tij shënon gjithashtu medaljen e 100-të të marrë nga Shtetet e Bashkuara në Lojrat Olimpike Dimërore.
Ndërkohë sot për shkak të erërave të forta është shtyrë gara e slalomit të madh për femra, e treta e shtyrë si pasojë e motit të keq.
