Sot Federata Shqiptare e Futbollit në faqen e saj zyrtare ka publikuar vendimin e Komisionit të Disiplinës për disa nga klubet shqiptare por edhe futbollistë.
FSHF kësaj here nuk është kursyer as për Flamurtarin, i cili është një ‘viktimë’ e zakonshme e gjobave, por edhe klube të tjera si Skënderbeu, Vllaznia, Lushnja, ku shumica prej tyre janë dënuar për shkak të sjelljes së gabuar të tifozëve.
Shpëtim Duro gjithashtu do të pezullohej me dy ndeshje dhe 100.000 lekë gjobë për sjellje ofenduese dhe shkelje të parimeve të fair play, duke fyer zyrtarin e ndeshjes gjatë konferencës për shtypi pas ndeshjes Kukësi – Flamurtari.
Vlen të theksohet se çdo klub ka të drejtën e ankimimit brenda 3 (tre) ditëve përpara Komisionit të Apelit.
Më poshtë Alpenews.al ju sjell edhe vendimin e plotë të Komisionit të Disiplinës.
1. KF “Skënderbeu”, për sjellje të gabuar të spektatorëve, në bazë të Nenit 66/1 të KDS, dënohet me gjobë në masën 100.000 (njëqindmijë) lek.
2. FC “Flamurtari” , për sjellje të gabuar të spektatorëve, në bazë të Nenit 66/2 të KDS, dënohet me gjobë në masën 100.000 (njëqindmijë) lek.
3. KF “Lushnja”, për sjellje të gabuar të spektatorëve të saj në ndeshje kundër KF “Vllaznia dhe për përsëritje të kësaj shkelje disiplinore, në bazë të Nenit 66/1 të KDS,dënohet me 1 (një) ndeshje pa tifozë në fushën përkatëse.
4. Lojtari i KF “Tirana”, Tonny Mawejje, për sjellje jo sportive ndaj lojtarit kundërshtar, në bazë të Nenit 48/1.d të KDS, dënohet me 2 (dy) ndeshje pezullim nga aktiviteti.
5. Lojtari i KF “Naftëtari”, Aleksander Jaupi, për lojë të rëndë ndaj lojtarit kundërshtar, në bazë të Nenit 48/1.b të KDS, dënohet me 4 (katër) ndeshje pezullim nga aktiviteti.
6. Lojtari i KF “Maliqi, Mirald Zacellari, për pështymje ndaj zyrtarit të ndeshjes, në bazë të Nenit 49/1.c të KDS, dënohet me 24 (njëzet e katër) muaj pezullim nga aktiviteti.
7. KF “Maliqi”, në bazë të Nenit 13 të KDS, paralajmerohet se në rast të përsëritjes së shkeljes disiplinore do të jetë subjekt i dënimeve që parashikon Kodi i Displinës Sportive.
8. Lojtari i KF “Domosdova”,Paolo Kukli, për sjellje jo sportive ndaj zyrtarit të ndeshjes, në bazë të Nenit 49/1.a të KDS, dënohet me 4 (katër) ndeshje pezullim nga aktiviteti.
9. Lojtari i KF “Porto” U-19, Akileu Ndreca , për sjellje jo sportive ndaj lojtarit kundërshtar, në bazë të Nenit 48/1.d të KDS, dënohet me 2 (dy) ndeshje pezullim nga aktiviteti.
10. Lojtari i “S.SH.Pepa”,Mikel Zogu, për sjellje jo sportive ndaj zyrtarit të ndeshjes, në bazë të Nenit 49/1.a të KDS, dënohet me 4 (katër) ndeshje pezullim nga aktiviteti.
11. FC “Flamurtari” U-19, për sjellje të gabuar të spektatorëve, në bazë të Nenit 66/1 të KDS, dënohet me gjobë në masën 100.000 (njëqindmijë) lek. Në aplikim të Nenit 136 të KDS, gjoba paguhet në masën 3%.
12. Lojtari i KF “Skënderbeu” U-17, Jurgen Beqiri, për sjellje jo sportive ndaj zyrtarit dhe kundërshtarit të ndeshjes, në bazë të Nenit 48/1.d dhe 49/1.a të KDS, dënohet me 8 (tetë) ndeshje pezullim nga aktiviteti.
13. FC “Flamurtari” U-17, për sjellje të gabuar të spektatorëve, në bazë të Nenit 66/1 të KDS, dënohet me gjobë në masën 100.000 (njëqindmijë) lek. Në aplikim të Nenit 136 të KDS, gjoba paguhet në masën 3%.
14. KF “Burreli” U-17, për aktivizim të lojtarit që nuk kishte të drejtë të luante, në bazë të Nenit 54 të KDS, humbet ndeshjen në tavolin me KF “Beslidhja” U-17 e luajtur më datë 11.01.2018,me rezultatin 3 me 0 , zbritjen e 3 pikëve nga klasifikimi dhe gjobë në
masën 600.000 (gjashtëqind mijë) leke. Në aplikim të Nenit 136 të KDS, gjoba paguhet
në masën 3%.
15. Pranimin e kërkesës së lojtarit të FK “Shënkolli”,Klaudio Pjetrushi dhe pezullimin e pjesës së mbetur të dënimit. Në bazë të Nenit 33/4 të KDS, lojtari Klaudio Pjetrushi vendoset në provë për një periudhë 6 mujore.
16. Rrëzimin e kërkesës së KF “Besëlidhja”, si të pa bazuar në dispozitat e Kodit të Disiplinës Sportive dhe Rregullores së Veprimtarisë Futbollstike.
17. Shpëtim Duro, për sjellje ofenduese dhe shkelje të parimeve të fair play, duke fyer zyrtarin e ndeshjes gjatë konferencës për shtypi pas ndeshjes Kukësi – Flamurtari të datës 04.02.2018, në bazë të Nenit 56/1; 75; 76/1a) të Kodit të Disiplinës Sportive, dënohet me 2 (dy) ndeshje pezullim dhe 100.000 (njëqindmijë) lek gjobë.
