Alfred Ismaili ishte 32 vjeçari nga qyteti i Durrësit i cili u vra tragjikisht gjatë punës në anijen e mallrave në Britani. Alfredi ishte babai i tre fëmijëve të mitur, burri i një gruaje tashmë me të gjithë barrën e familjes përsuipër dhe djali i dy pleqëve të vuajtur dhe të sëmurë.
Alfred Ismaili u shpall i vdekur në Dockin, më 1 shkurt.
Dega e Investimeve Detare të Aksidenteve ka nisur një hetim për incidentin, i cili ndodhi në bordin e SMN Explorer.
Pothuajse dy javë pas vdekjes tragjike të tij kanë folur familjarët e tij. Ata shprehen se sa vjen e situata bëhet më e keqe kur ata mendohen dhe nuk kanë as para për ta kthyer trupin e tij të pajetë në shtëpi.
Zyra e gjykatës së Norfolk tha se trupi do të lirohet kur kërkesat të ishin të plota.
Refik Goli, konsulli dhe sekretari i dytë në Ambasadën Shqiptare në Londër, tha: “Ne jemi të vetëdijshëm për humbjen e Alfred Ismailit dhe ne po bashkëpunojmë me autoritetet britanike në këtë rast, megjithatë policia në Britani të Madhe ende nuk ka një raport zyrtar mbi shkaqet e vdekjes për të vazhduar me riatdhesimin në Shqipëri “.
Z. Ismaili la gruan dhe tre fëmijë të vegjël. Në një deklaratë përmes avokatit të tyre, ata thanë: “Pse kaq shumë vuajtje? Nuk është e drejtë. Ai nuk ishte një kriminel, thjesht një detar i thjeshtë, duke u kujdesur për familjen e tij. ”
Avokati shtoi: “Jam i inatosur sepse ende nuk ka raport përfundimtar nga departamenti i policisë në Norfolk, ose nga zyra e gjykatësit të Norfolkut. Asgjë. Vetëm prisni, pritni. Nuk është e drejtë. Nuk është njerëzore.
“Familja e Alfred është në vuajtje dhe unë nuk mund të bëj më shumë. Babai i Alfredit është 80 vjeç, në spital. ”
Alfredi e la familjen e tij dhe bëri rreth 1600 milje për të siguruar diçka për ata por siduket fati nuk ishte me Alfredin kësaj here.
AlpeNews.al
