Një person është gjetur i pajetë pranë shkallës së pallatit ku banonte. Burime zyrtare nga policia bëjnë me dije se shtetasi Th. Gj i moshës 70 vjeç është gjetur me plagë në kokë pranë shkallës së një pallati në rrugën “Shefqet Kulla”.
Nga hetimet paraprake, dyshohet se 70 vjeçari të jetë rrëzuar nga shkalla e pallatit, dhe për pasojë ka humbur jetën. Materialet u referuan në Prokurorinë e Rrethit Gjyqësor Tiranë, për ngjarje aksidentale, shtuan të njëjtat burime.
