Një aksident i rëndë ka ndodhur mëngjesin e sotëm në autostradën Durrës-Tiranë në afërsi të Sukthit. Gazetarja Klodjana Haxhiaj raporton për “BalkanWeb” se nga aksidenti ka mbetur i plagosur shoferi i automjetit.
Policia ka mbërritur në vendin e ngjarjes dhe ka nisur hetimet për zbardhjen e rrethanave, por dyshohet se aksidenti ka ndodhur për shkak të lagështirës në rrugë si dhe shpejtësisë tej normave.
Drejtuesi ka tentuar të manovrojë por makina është përmbysur në karrexhatë. Për shkak të aksidentit, është krijuar trafik në autostradë.
