Disa ditë më para mediat në Maltës publikuan lajmin e vjedhjes së një dyqani bizhuterish, për të cilën një shqiptar është arrestuar. Në prangat e autoriteteve malteze ka rënë edhe një tjetër shqiptar i cili ka qenë pjesë e grabitjes.
Pak kohë më parë për ketë grabitje është arrestuar Ramazan Hysa, 24 vjeç, ndërsa ditën e sotme është arrestuar 25- vjeçari Artan Çoku, banues në Pieta.
Argjendaria e grabitur nga dy të rinjtë shqiptar ishte “Dimonds International”, ndërkohë që gjatë plagosjes dy shqiptarët kanë plagosur edhe rojen e sigurisë me qytën e shotganit në kokë, ku si pasojë ky i fundit pësoi dëmtime në kokë por fatmirësisht i ka shpëtuar vdekjes.
Nga argjendaria e grabitur mësohet se Ramazan Hysa dhe Artan Çoku kanë marrë mallra të cilat ende nuk janë gjetur, vlera e të cilave shkon në qindra mijëra euro.
