Mëngjesin e të hënës në Vlorë është gjetur një gomone me drogë në afërsi të Petroliferës.
Dyshohet se është gomonia që zhyti një makinë tip Jeep me targa italiane, e gjetur pak më herët brenda në det.
Gomonia e mbushur me lëndë narkotike ishte e gjatë 5 metër dhe u gjet afërsisht 1 kilometër larg vendit ku u gjet makina e zhytur.
Nuk dihet akoma sasia e lëndës narkotike që është gjetur në gomone.
Makina ndodhet pak metra larg bregut, ndërsa forcat e policisë ndodhen në vendngjarje dhe po punojnë për ta nxjerrë për të nisur hetimet dhe zbuluar autorët.
Hetuesit po punojnë për të zbardhur enigmën.
Alpenews.al
