Vajza 13-vjeçare, e njohur vetëm si Sophie, i kushtoi një poezi presidentit francez, pasi ajo vizitoi Parisin me familjen e saj. Dy poemat u publikuan nga Ambasada franceze në Londër.
Poezia e Sophie, e titulluar “Qendra e Vëmendjes”, përshkruan ndjesitë e vajzës teksa ajo sheh strukturën e Kullës Eiffel. “Ajo është po aq e bukur sa një pikturë, ajo është qendra e vëmendjes që vihet re nga të gjithë. Ajo është Kulla Eiffel dhe si ajo nuk ka të dytë,” shkruan mes të tjerash 13-vjeçarja britanike.
Në poezinë e tij, presidenti Macron i jep zë Kullës Eiffel. “Shumë pak poetë sot më lavdërojnë për shpirtin tim parizien. Meqë je kaq e zonja për të parë përtej sipërfaqes, nëse do, mund të shkruash përse më pëlqen, kjo do të ishte argëtuese,” shkruan mes të tjerash Macron.
Poezia e tij mbyllet me një përgjigje për pyetjen që vajza i drejton Kullës, se kush do t’i lexonte vargjet e shkruara nga ajo. Pikërisht “Presidenti i Francës!”
Macron njihet për dashurinë e tij të veçantë për letërsinë dhe artet. Presidenti ka interpretuar përmendësh vargje nga dramaturgu Molier, si dhe ka qenë prezent në hapjen e Panairit të Librit në Frankfurt, së bashku me kancelaren gjermane Angela Merkel.
