Një fëmijë vetëm 5-vjeç ka gjetur vdekjen pasi ra në ujërat e një lumi në Irlandën e Veriut. Ai u transportua me urgjencë në spital, ku dhe ndërroi jetë.
Një operacion i gjerë kërkim-shpëtimi nisi pasditen e së shtunës, pas raportimeve se një fëmijë kishte rënë në lumin Braid, në Ballymena.
Sipas “The Independent” 5-vjeçari u gjet pak kohë më pas dhe u transportua me helikopter në spitalin e Belfast, por nuk mundi të mbijetonte.
Mbeten ende të panjohura rrethanat e kësaj ngjarjeje të rëndë, ndërsa autoritetet shprehën ngushëllimet për familjen e djalit.
