Shqipëria duket ndonjëherë si një kosh i madh plehrash.
Ngado që hedh sytë, me shumë gjasa do të shohësh plehra.
Qeset e mbeturinave hidhen kudo, duke u kthyer në një tmerr.
Por nëse doni të dini se si e trajtojnë vendet e tjera këtë problem, shihni këtë rast në Britani.
Një grua 50-vjeçare doli përpara gjykatës, pasi fqinjët e kishin fotografuar teksa hidhte qeset e plehrave në një rrugicë pas shtëpisë së saj në Mançester.
Rahimo Mahamud nuk e pranoi fillimisht fajin.
Por më pas pranoi dhe u dënua me 560 sterlina gjobë, plus 125 sterlina shpenzimet e gjyqit.
