Ish-zv/ministrja e arsimit, Nora Malaj ka komentuar ligjin e arsimit të lartë.
Tashmë që s’mban më këtë post, Malaj shprehet se kjo që po ndodh sot është dështim që nuk ka justifikim.
‘Për t’i thirrur kujtesës, ligji i Arsimit të Lartë që ka hyrë në fuqi për rreth 3-vite, më 22.07.2015 është botuar në fletoren Zyrtare.
Brenda 6- muajve duhet që VKM të ishin hartuar dhe të fillonte zbatimi u tyre , duke lejuar që ligji të zbatohej.
Kjo që po ndodh sot është një dështim i paralajmëruar dhe tashmë asnjë ndjesë nuk mund të justifikojë këtë situatë.
Mos nxjerrja e paktës së akteve nën ligjore, do të vërtetojnë thënien: Skeni parë gjë akoma!
‘Një këshillë për të gjithë ata që duan të justifikojnë këtë situatë absurdi. Më mirë heshtni, se sa justifikoheni!!!
Heshtja në këtë rast, do të thoshte populli, është kapak floriri, për të gjithë ata që hartuan një ligj të pazbatueshëm dhe që i vënë 15 mijë pedagogët në këtë situatë!’, nënvizon Malaj e cila ka mbajtu për tetë vite postin e zëvendës ministres së Arsimit. (TemA)
