Manchester City raportohet që ka arritur marrëveshje me Shakhtar Donetsk për transferimin e mesfushorit Fred.
Shifra e transferimit flitet që do të jetë 50 milion euro, dhe do të zyrtarizohet në merkaton e verës.
City kishte tentuar që ta merrte që në janar ku kishte ofruar 45 milion euro, por Shakhtar nuk e ka lejuar që të largohet, pasi shpresojnë tek një kalim në turin e ardhshëm në Champions ku kanë pengesë Romën.
Fred ka qenë i vendosur për transferimin tek City që në momentin që ata janë interesuar për të.
Manchesteri tentoi edhe Riyad Mahrez në këtë merkato por, nuk arriti që ta marrë pasi Leicester nuk pranoi ofertën 70 milion euroshe.
