Sot do të jenë 200. Dyqind ndeshje në drejtim të Juventus, nga ajo verë e 2014-ës deri në mbrëmjen e sotme. Një ndeshje, ajo kundër Fiorentina-s, që do të ketë një shije të veçantë për Massimiliano Allegri-n, i cili është në kërkim të titullit të katërt radhazi në Serinë A. Është pritur keq dhe me shumë skepticizëm, por tanin gjithçka ka ndryshuar. Sot, ai është udhëheqësi i padiskutueshëm i bardhezinjve, të cilët do të shkojnë në “Franchi” jo vetëm për të mundur një rivale historike, si Fiorenatina, por edhe për të kaluar Napoli-n në renditje dhe për të shtuar presionin ndaj ekipit të Sarri-t.
Pa u shpërqendruar (nëse është e mundur) nga Tottenham dhe 1/8-at e Champions League, për të cilën do të mendohet duke filluar nga dita e nesërme. Ata që mund të prishin këtë mbrëmje të veçantë të Allegri-t janë Federico Chiesa dhe “Cholito” Simeone, i cili nuk fal kur shikon Juventus-in (dygolëshin e parë në Itali e ka realizuar pikërisht kundër tyre, në nëtorin e 2016-ës me fanellën e Genoa-s).
Allegri është trajneri me përqindjen më të lartë të fitoreve në historinë e Juventus: 141 fitore që janë të barasvlershme me 70,85%,
Më mirë se Parola, i ndalur në 127 fitore (58,25%), Lippi
(227, 56,04%), Trapattoni (319, 53,52%) dhe Herrera (100, 46,51%). Nëse merrn në konsideratë vetëm ndeshjet e kampionatit, Allegri është i dyti në të Europë (75%) pas Ernesto Valverde-s, i cili ka fituar 82% të ndeshjeve me Barcelona-n e tij.
