Çështja e Saimir Tahirit, ishte pjesë e debatit mes panelistëve të ftuar në ‘Opinion”.
Deputeti i PD-së, Edi Paloka ngriti si shqetësim çështjen e hetimit për ish ministrin e Brendshëm, Saimir Tahiri, ku tha se ai i ka shpëtuar drejtësisë.
“Ku e keni Samirin, pse nuk po hetohet më…”, iu drejtua Paloka deputetit Eduard Shalsi.
“Në shtëpi është ku do jetë, po hetohet…”, iu përgjigj Shalsi.
Ndërsa duke u ndalur pikërisht te arrestimi i zyrtarëve deputetja e LSI-së, Klajda Gjosha vuri në dukje arrestimin ish drejtorit të ARSH-së, Dashamir Xhikës.
“Nëse Dashamir Xhikën e ke në burg, një politikan e ke në shtëpi zotëri”, iu drejtua Gjosha Shalsit.
