Besoj që shumë prej jush do e njohin sapo të dëgjojnë këngët “Sagapo të dua”, “Një lule pranvere”, “Përherë me ty”, “Ç`t`i them vëllait”, e shumë të tjera. Por jo vetëm këngë, ajo ka luajtur edhe në filma si “Apasionata”, “Telefoni i një mëngjesi”, “Duaje emrin tënd”, etj. Po as pikërisht për një nga vajzat më të ëmbla shqiptare, Nertila Kokën. Mbaj mend që në shtëpinë tonë kemi patur një foto të saj, sepse ime më pëlqente flokët e arta të saj si dhe veshjet me detaje palash. Kishte raste kur ndonjë fustan e bënte bazuar në veshjen e Nertilës, sidomos atë fustanin me lule e kishte dobësi.
Mendoj që nuk ka qënë e thjeshtë të vishje ç`të doje në ato vite, kishte kuzime si në copa, ngjyra dhe prerje. Pavarësisht këtyre, mjaft vajza ia dilnin të visheshin me stil, pa e tepruar. Ndryshe nga sot që edhe pse nuk ka aq “ligje” të na pengojnë, shumë dështojnë në zgjedhjen e veshjeve. Disa as që kujdesen fare për look-un në tërësi, madje t’u thuash me mirësi ndonjë këshillë, ose e marrin për të keq, ose thjesht mbyllin veshët.
Shalli ka qënë dhe këtë vit një must, madje pikërisht me këtë lidhje e kemi parë dhe nëpër street style. Më pëlqen shumë kjo pallto e mirëstrukturuar dhe përshtatur për fizikun e saj dardhë.
Këtu e shohim pa balluket karakteristike, dhe me një aksesor që u bë hit në vitet `90. Ju kujtohet që para disa ditësh folëm pikërisht për fjongot e kokës? Mund ta merrni shembull dhe Nertilën për frymëzim, mos u kuzoni vetëm tek Madonna.
Më tërhoqi vëmendjen ky fundi me pala, kombinuar me bluzën oral, e cila harmonizohet me fundin përmes disa luleve me të njëjtën ngjyrë. Unë do e rivishja këtë, por me atlete.
Patjetër që ky fustani duhet të ketë qënë hit në atë kohë, por më tërhoqi vëmendjen dhe
mikrofoni me mbulesën e verdhë i cili duket më shumë si aksesor plotësues i veshjes.
Nuk kishte se si të mungonte dhe një kostum dy pjesësh, bardhezi në përzgjedhjen e
veshjeve më të mira të kohës. Ngjan pak sa me kostumin e Dior “New Look”, por ka
karakter tjetër pa dyshim. Kjo xhaketa për kohën ka qënë muzë për shumë zonja të cilat i
qepnin veshjet. Zgjidhje e gatshme edhe për ndonjë dasmë ku ishe e ftuar dhe duhet të
dukeshe e veshur sipas modës./Tiranapost.al
