Ka zgjatur vetem pak minuta rifitimi i lirise per Saimir Ahmetin. Policia e Gjirokastres e ka rikthyer ne nje kohe rekord ne qeli.
Policia lokalizoi shume shpejt vendodhjen e studentit te arratisur. Burimet e policise thane se ai ishte strehuar ne nje pusete ne zonen e siperme te qytetit, qe njihet si “Pazari”.
Policia blindoi qytetin e Gjirokastrës ne te gjitha hyrjet daljet e tij duke vendosur postoblloqe dhe duke shperndare agjentet civile e me uniforme ne terren.
Masat e jashtezakonshme u moren menjehere pas arratisjes spektakolare nga ambjentet e Gjykates se Apelit ne Gjirokastres të 24 vjeçarit Saimir Ahmeti i cili ndodhej atje per tu njohur sot me rivleresimin e mases se arrestit me burg te vaktuar me pare per te, nga Gjykata e Shkalles se Pare.
24 vjeçari eshte student per menaxhim biznesi ne Universitetin e Sarandes dhe akuzohet per perndjekjen e vajzes qe ai dashuron, me te cilen ai ne familjen e tij ka zhvilluar edhe ceremonine e dasmes, por kjo lidhje nuk eshte pranuar asnjehere nga familjaret e vajzes.
Au u arratis nga Gjykata në Gjirokastres nepermjet banjove kur kerkoi leje per te shkuar nga policet e toges se shoqerimit te Gjykates se Sarandes qe e kishin shoqeruar deri ne qytetin fqinj.
Ata kane per detyre te sigurojne te pandehurit kur shkojne ne seance, sepse ne Sarande nuk ka gjykate te shkalles se dyte, dhe proceset per raste si ky zhvillohen ne qytetin tjeter fqinj.
Pas lokalizimit, policia thirri ne ndihme ekipet e zjarrfikeseve per ta nxjerre te arratisurin nga puseta ku ishte fshehur ne zonen e Pazarit te qytetit, dhe u be gati perdorimi i pomave te ujit me presion.
Pas rivendosjes se prangave pervec akuzes se pare, pozita juridike e Saimir Ahmetit rendohet, pasi ai do te akuzohet me siguri tani edhe per arratisjen e tij nga Gjykata.
Alpenews.al
