Prokurorja e Përgjithshme, Arta Marku ka shkuar në Elbasan për analizën vjetore të Prokurorisë së Elbasanit, ku ka thënë se “duhet të hetohen në mënyrë efikase, e shkuara dhe e tashmja e personave me precedentë kriminalë dhe me pasuri të dukshme ardhur në mënyrë të paligjshme”.
“Pavarësia e Prokurorëve në rrethe nuk do të thotë pavarësi nga ligji”, është shprehur Marku.
Pak ditë më parë Kryeprokurorja Marku ka qenë në Shkodër për analizën vjetore në atë Prokurori, në të cilën ka punuar edhe vetë dhe në ditët në vazhdim do të jetë në të gjitha prokuroritë e rretheve për të bërë analizën se si kanë punuar këto institucione.
Arta Marku gjithashtu mori pjesë dhe në ceremoninë e përurimit të ndërtesës së re të Prokurorisë së Elbasanit.
