Trajneri italian do të mbetet të paktën edhe për një kohë pjesë e “Bluve”.
Gjatë ditës është raportuar se Antonio Conte i ka orët e numëruara si trajner i Chelseat, por duket se gjithçka ka ndryshuar.
Sipas BBC Sports, klubi ka shfaqur besim në trajnerin italian me të cilin një vit më parë u shpallën kampionë të Ligës premier, kurse në këtë stinor “Blutë”, po ballafaqohen me telashe të mëdha në ligë.
Humbjet turpëruese nga Bournemouth dhe Watford janë pritur shumë keq nga pronari i klubit Roman Abramovich, i cili megjithatë, pas një konsultimi me drejtuesit e tjerë të klubit ka vendosur ta mbajë Conten ende si trajner.
Ish-trajneri i kombëtares italiane ka kontratë me Chelsean deri në vitin 2019 dhe do të ketë rast të shpëtoj sezonin nëse arrin sukses në Ligën e Kampionëve dhe Kupën FA.
Nëse rast të largimit të Contes, Chelsea dëshiron ta emërojë për trajner Luis Enriquen i cili aktualisht është i papunë, pasi stinorin e shkuar u largua nga Barcelona. /KP/
