Prokuroria e Elbasanit ka kërkuar ndryshim akuze për Shkëlzen Hasanpapën, i dyshuari për vrasjen e mbetur në tentativë ndaj një pjesëtari të fisit Çapja.
I pandehuri ka 10 ditë kohë për tu njohur me akuzën e re. Akuza e re është “Vrasje duke rrezsikuar jetën e shumë personave”.
Shkëlzen Hasanpapa dyshohet si vrasës me pagesë kundër familjes Çapja në Elbasan. Në qershor të vitit 2016, shumë pranë Prokurorisë së Elbasanit, Hasanpapa tentoi të vriste Florenc Çapjan dhe mikun e tij,
Bledar Muça, ndërsa po lëviznin me automjet. 20- vjeçari qëlloi me breshëri automatiku mbi makinën, me të cilën ata udhëtonin, ndërsa nga plumbat mbeti i plagosur Muça.
Miku i Florenc Çapjas mori plumb në shpatull, ndërsa shënjestra e atentatit shpë- toi pa dëmtime. Gjithashtu, në këtë ngjarje, mbeti e plagosur edhe një oficere Policie.
Ajo po kalonte në vendin e ngjarjes rastësisht dhe mori një plumb në këmbë. Identifikimi i Hasanpapës si autor të ngjarjes së rëndë u bë me anë të krahasimit të ADN-së, në provat e gjetura nga Policia me atë të prindërve të tij.
