Borussia Dortmund shihet si skuadër që rritë futbollist të mëdhenj dhe i bënë gati për gjigantët evropian.
Klubi gjerman viteve të fundit ka fituar dy herë titullin e kampionit ka triumfuar në Kupën e Gjermanisë dhe e ka parë vetën në finale të Ligës së Kampionëve.
Por Dortmundit i kanë ikur edhe shumë lojtarë kryesorë nëpër skuadrat rivale apo edhe tek gjigantët e Evropës.
Mediat gjermane kanë zbuluar se në shtatë shitjet e mëdha, Dortmundi ka arritur të fitojë 310 milionë euro.
Në rast se merren parasysh edhe bonuset e mundshme nga shitjet e fundit të Aubameyang dhe Dembele kjo shumë mund ta kaloj shifrën e 350 milionë eurove.
Mbrojtësi gjerman Mats Hummels iu bashkua Bayernit për 35 milionë euro, ndërsa verdhezinjtë e kishin blerë më herët për vetëm 4,2 milionë euro.
Mats Hummels
Mesfushori japonez Shinji Kagawa u afrua në klub për vetëm 350 mijë euro ndërsa pas shpërthimit në Bundesliga u largua në drejtim të Manchester Unitedit për 16 milionë euro.
Shinji Kagawa
Sven Bender erdhi në ‘Signal Iduna Park’, për vetëm 1,5 milionë euro ndërsa u largua për 12,5 në drejtim të Leverkusenit.
Sven Bender
Reprezentuesi i Gjermanisë, Mario Gotze u shit në Bayern për 37 milionë euro ndërsa Dortmundi nuk pagoi për transferimin e tij pasi ishte pjesë e akademisë së klubit.
Mario Gotze
Në fitim dolën edhe me armenin Henrikh Mkhitaryan ku e shitën tek Manchester United për 42 milionë euro.
Henrikh Mkhitaryan
Francezi Ousmane Dembele iu bashkua Dortmundit nga Rennes për 15 milionë euro, ndërsa tani është transferuar te Barcelona për 105 milionë por kjo shumë mund të rritet edhe më shumë në rast se arrihen bonuset.
Ousmane Dembele
I fundit që u largua është sulmuesi nga Gaboni, Pierre Emerick Aubameyang që iu bashkua Arsenalit.
Pierre Emerick Aubameyang
Dortmundi kishte paguar 13 milionë euro për ta blerë nga St Etienne ndërsa pas pesë viteve e shitën për 63 milionë euro.
Klubi verdh e zi ka fituar shumë nga shitja e yjeve, ndërsa tani pritet që me një shumë të madhe të largohet Christian Pulisic.
