Silvio Berlusconi, ish-pronari i Milan, është në qendër të fushatës elektorale dhe sikurse shpesh ka bërë, është rikthyer të flasë për Milan. Kësaj here nuk i ka kursyer një shkundje edhe pronarit të ri të klubit kuqezi. Gjithsesi, menjëherë më pas ai mendoi menjëherë për ta korigjuar sulmin e tij, duke folur për merkaton intensive të zhvilluar nga pronarët kinezë.
“Duhet të ketë një zëvendës në Itali. Unë e bëja rolin e presidentit në një mënyrë ndryshe. Palotës i tregoja se si e bëja unë presidentin. Isha pranë skuadrës dhe futbollistëve. I kontaktoja gjatë javës, kur ndonjëri dëmtohej më ndjente prezent. Të shtunën isha mes futbollistëve dhe flitej për skuadrën kundërshtare. Vështirë të gjendet një zëvendësues. Është e vështirë, unë kam folur gjithmonë në këmbë dhe jo mbi kolltuk”, deklaron Berlusconi për “Telelombardia”.
“Rikthim te Milan? Fatkeqësisht nuk ka asnjë shpresë për fëmijët e mi, për tifozët, për miqtë e mi, që unë të rikthehem dhe të interesohem për Milan. Vendimi im i vuajtur është përfundimtar, sepse kam pretenduar dhe pretendoj që për t’i dhënë Milan nivelin që Milan meriton, nuk mjaftojnë kapitalet e vetëm një familje. Ky ortak kinez, ky zotëri me ne i ka mbajtur gjithmonë premtimet, ka qenë gjithmonë i përpiktë me pagesat dhe ka qenë i përpiktë për të aplikuar dhe realizuar një fushatë merkato e njoftuar në vlerën 250 milionë euro. Fushatën e merkatos e realizoi, ndërsa të diskutosh për rezultatet konkrete të kësaj fushate, është tjetër gjë”, përfundoi Berlusconi.
