Aktorët e njohur Ervin Bejleri dhe Gladiola Harizaj janë prindër të një vajze të vogël prej 9-vitesh e gjysmë. Prindërit asaj i kanë vendosur dy emra “Zahara Koko”, ku artistët kanë treguar edhe kuptimin e tyre të veçantë.
Teksa ishin të ftuar në emisionin “Mos i fol shoferit” në “Ora News”, ata treguan se vajza lindi katër vite pas lidhjes së tyre. Ndërsa emrin ia ka vënë Ola.
Gjatë bisedës, Ervini ka treguar një situatë shumë qesharake ku vogëlushja pëlqen mbiemrin e nënës. “Ajo thotë nganjëherë, unë pse mos jem: Zahara Koko Harizaj. Unë i them, je Bejler, ke mbiemrin më të bukur në botë”, tha Vini.
Ndërkohë Ola tregoi historinë e plotë të emrit të saj, të cilin e kishte menduar që në muajin e tretë të shtatzënisë. “Zahara do të thotë rrezja e parë e diellit, në momentin që del drita. Koko më pëlqen si përkëdheli prandaj e ka emër të dytë, që ia kam vënë që në muaj të tretë. Ishte shumë e vështirë ti gjenim emrin se përfaqëson të ardhmen, me energjinë që do ketë”, shtoi ajo.
