Skënderbeu pritet të luajë sot me fanellat origjinale, pikërisht me të kuqen e theksuar dhe shiritat e bardhë. Këto ngjyra urrehen nga tifozët e Partizanit të Beogradit, pasi fanella thuajse identike mban veshur rivali i tyre përjetshëm, Crvena Zvezda.
Klubi korçar e ka vendosur të luajë me fanellën bardhekuqe, jo me atë portokalli që luajti në Ukrainë, qoftë edhe për të ndikuar sadopak në anën psikologjike të kundërshtarit.
Gjithsesi, nuk përjashtohet mundësia që deri para mbledhjes me zyrtarët e UEFA-s, të kemi ndonjë ndryshim të fanellës.
