Anëtarët e Agimit të Artë kanë bllokuar sërish mësimin e gjuhës shqipe në Kretë, për shkak të një vogëlushi që kishte veshur bluzën e Shqipërisë së Madhe.
Gjithçka nisi pas inaugurimit të shkollës së parë shqipe në Paleohori, gjatë të cilit një prej nxënësve shqiptarë kishte veshur një bluzë me simbolet e Shqipërisë së madhe, e cila mbante edhe mbishkrimin “Autoctonus”.
Hapja e kësaj shkolle ka ngjallur një sërë polemikash në ishullin grek, pasi të parët që ndaluan fëmijët shqiptarë të mësonin shqipen ishin banorët, të cilën i vunë kyçin derës së shkollës.
Mbas shume përpjekjeve të vazhdueshme të Komunitetit të Emigranteve shqiptarë dhe kryetarit e këtij komuniteti, Afrim Avdiaj, u bë e mundur marrja e lejes dhe miratimi për hapjen e dy kurseve të mësimit të gjuhës shqipe nga fëmijët e emigranteve shqiptare që punojnë e jetojnë atje.
Por sipas burimeve në ishullin grek, ngjarja ka marrë një rrjedhë të papritur, pasi disa anëtarë të Agimit të artë nuk lejuan nxënësit shqiptarë dhe personelin pedagogjik të zhvillonin mësimin .
Shkak për këtë u bë pikërisht vogëlushi i veshur me flamurin e Shqipërisë së Madhe.
Në nga mediat greke shkruan se:
Ka raporte për përplasje në shkollën shqipe në Paleochora, ku zëvendës ambasadori i Shqipërisë u shfaq duke përqafuar një fëmijë veshur bluzën famëkeqe me hartën e “Shqipërisë së Madhe”, i cili përfshin territore greke dhe është tregues i nacionalizmit indigjen (Autocthonus).
Ndoshta fëmija nuk e di se çfarë shpreh se si bluzë që ka veshur, por prindërit dhe sidomos zëvendës ambasadori i Shqipërisë në Greqi, duhet të japë një shpjegim pse përdorur.”
