Vranësira dhe reshje të dendura shiu e dëbore dominojnë Veriun por reshje të pakta dhe të përkohshme do të ketë në zonat Qendrore dhe Jugore.
Pasditja dhe mbrëmja mbeten me vranësira dhe reshje të konsiderueshme në Veri ndërsa vranësira të dendura por reshje të pakta do të ketë në pjesën tjetër të territorit shqiptar.
Sipas MeteoAlb, temperaturat e ajrit do të rriten me 2°C gjatë orëve të mëngjesit por vetëm një rritje të lehtë sjell mesdita në gjithë territorin.
Era do të fryjë mesatare dhe e fortë, me shpejtësi mbi 65 km/h nga drejtimi Jugor duke gjeneruar në det dallgëzim mbi 4 ballë.
Europa
Pellgu Mesdhetar dhe gadishulli i Ballkanit dominohen nga vranësira të fuqishme dhe reshje të dendura shiu e dëbore.
Po ashtu, me vranësira të dendura por me reshje më të pakta paraqitet Europa Qendrore si dhe Europa Veriperëndimore dhe Verilindore.
Ndërsa kthjellime dhe alternime vranësirash vijojnë ndikimin në pjesën më të madhe të Europës Lindore dhe gadishullin Iberik.
