Kryetari i Partisë Demokratike, Lulzim Basha, e cilësoi protestën e 27 janarit si më të madhen në 27 vitet e fundit. Basha tha se shqiptarët e thanë fjalën e tyre “Rama ik”, duke shtuar se opozita do të vazhdojë detyrën e saj, duke denoncuar keqqeverisjen dhe çdo skandal të kësaj qeverie.
“Edi Rama nuk mund të largohet me 1 protestë, aksioni opozitar do të vazhdojë. Ne do të paraqesim alternativën tonë, do të vijojmë aksionin tonë opozitar dhe qëllimi ynë është që keqqeverisja të ketë një kosto sa më të vogël për qytetarët shqiptarë”, tha Basha.
