Pas një seance të tensionuar në Kuvend, ku opozita qëndroi gjatë gjithë kohës në foltore, pasi çështja e Nezer Seitit nuk u përfshi në rend dite kryedemokrati Lulzim Basha zgjedh emisionin “Studio e Hapur” në News 24 për të komentuar gjithçka ndodhi.
“Nazer Seiti u rrëmbye nga 5 apo 6 institucione dhe ky është një rast i papreçedentë, madje më i rëndë se konfirmimi i përfshirjes së Sajmir Tahirit në trafikun e drogës”, tha Basha. Sipas tij, në ekstradimin e financierit të Habilajve, u përfshinë: Kryeministri, ministri i Brendshëm, ministri i Drejtësisë, Kryeprokurorja, Drejtoria e Përgjithshme e Policisë.
“Seitaj po kthehej në një të penduar të drejtësisë, do të rrëfente në detaje bashkëpunimin dhe bashkëpunëtorët, por ai u rrëmbye nga kupola e shtetit”, tha Basha, duke shtuar se brenda 24 orësh u rrëmbye në mënyrë të papreçedentë.
Në studion e Neës 24, Basha tha se ministri i Brendshëm, Fatmir Xhafaj gënjeu publikisht në lidhje me këtë çështje dhe duhet të ndiqet penalisht për gënjeshtrën që tha.
“Skandali është edhe më i rëndë, pasi filtrat e shtetit kanë funksionuar, sepse është thënë se ky person nuk mund të ekstradohet sepse po hetohej nga Krimet e Rënda. Ministrja e Drejtësisë ka nënshkruar 3 letër porosi drejtuar Prokurorisë së Katanias. Pse ndodhi kjo? Sepse duan që çështja ndaj Sajmir Tahirit të zvarritet sa më shumë”, tha Basha. Kreu demokrat e quajti atë çka ndodhi një krim shtetëror, që synonn të shpëtojë Kryeministrin Edi Rama duke shtyrë sa të mundet hetimin ndaj Sajmir Tahirit.
