Deputeti i partisë socialiste, njëkohesisht edhe kryetari i grupit parlamentar, Taulant Balla,ka folur për miratimin e ligjit për ndërtimin e aeroportit të Vlorës, vendim i marrë mes një situate të tensionuar në Kuvend. Por teksa deputeti socialist po fliste para kamerave, kanë ndërhyrë pareshtur tre deputetet e LSI, Floida Kërpaçi, Kejdi Mehmetaj dhe Nora Malaj.
Debati:
Kejdi Mehmetaj: Ti je përfaqësuesi i frikës së Edi Ramës. Pse nuk e lejoni opozitën të flasë?
Taulant Balla: Më vjen keq që rinia shqiptare duhet të përfaqësohet nga ju. Keni zgjedhur të bëni kukuvajkat, më vjen shumë keq. Populli gjykon e vlerëson.
Ne jemi të kënaqur me kete opozitë, por populli shqiptar nuk është i kënaqur me këtë opozitë.
Nora Malaj: Parlamenti është vendi i fjalës së lirë. Ka mbaruar kodi i etikës dhe ka filluar kodi i luftës dhe ngacmimit seksisë në Parlament.
/AlpeNews.al/
