Ergys Agasi, një prej personave më të kërkuar në vend, u arrestua mbrëmjen e të mërkurës pas një operacioni që raportohet nisi në Elbasan dhe përfundoi në zonën e Plepave në Durrës.
Në momentin e arrestimit, Agasi udhëtonte me një mjet që drejtohet nga ish-zyrtari i Policisë së Shtetit, Uljan Shpataraku, i cili gjithashtu ishte në kërkim.
A2 CNN mëson se Agasi është pikasur fillimisht nga efektivët e Forcës Operacionale në Elbasan dhe më pas ndjekja ka vijuar nga nga Peqini, Rrogozhina dhe në Durrës, ku edhe është arrestuar në zonën e Plepave.
Pas arrestimit Agasi po dërgohet në Drejtorinë e Policisë së Tiranës.
Detajet e arrestimit! Agasi po udhëtonte me ish-zyrtarin e përjashtuar
Uljan Shpataraku dhe ish-drejtori i Policisë së Shtetit, Ilir Proda.
Më 6 gusht, Uljan Shpataraku u shpall në kërkim nga Policia e Himarës. Ish-zyrtari policor, një nga njerëzit më të afërt të ish kryepolicit Ilir Proda ishte kallëzuar nga punonjësit e një hoteli në zonën e Dhërmiut të cilët pretendonin se ishin kanosur e kërcënuar nga Shpatarku. Pas një debati verbal, punonjësit pretenduan se i kishte kërcënuar me jetë.
Më 20 maj Shpataraku u përjashtua nga Policia e Shtetit me urdhër të drejtuesit Skënder Hita, pasi më parë ishte pezulluar. Shpataraku mbante detyrën e asistentit në Departamentin për Teknologjinë e Informacionit në Policinë e Shtetit.
