Qytetarët janë mbledhur përsëri sot në protestë, e cila shënon ditën e 26-të. Itinerari vijon të jetë i njëjtë, grumbullimi te sheshi ‘Skënderbej’ e më pas marshimi drejt kryeministrisë.
Po të njëjtat kërkesa drejtuar kryeministrit Edi Rama dhe qeverisë së tij janë lexuar që në hapje të protestës nga Sidorela Vatnikaj. 3 ditë më parë, u artikuluan për herë të parë kërkesat e plota që protestuesit kanë Rama dhe për qeverinë e tij. Lista u lexua nga Dritan Goxhaj në emër të grupit organizator, ndërsa u rilexuan përsëri dje nga Arbër Lleshi.
Goxhaj ka deklaruar hapur mbështetjen e tij për regjimin iranian ndërsa kërkesat e artikuluara në protestë, i shërbejnë ekzaktësisht planit utopik të publikuar më 14 qershor në profilin e tij në facebook.
Plani parashikon shpërndarjen e Kuvendit dhe zëvendësimin e tij me një Asamble Tranzitore prej 101 anëtarësh, të përzgjedhur me short nga qytetarët.
