Një moment i pazakontë është regjistruar në fshatin Hoçë të Prizrenit, ku tre arinj janë futur në oborrin e një familjeje.
Në videon që po qarkullon në rrjetet sociale, personi që filmon dëgjohet duke iu drejtuar arinjve me fjalët “hajde këtu”, ndërsa kafshët afrohen drejt portës së banesës. Por sapo arinjtë i afrohen më shumë hyrjes, personi largohet me vrap nga frika.
Në sfond dëgjohet edhe një person tjetër që bërtet “ik, ik”, teksa situata krijon momente tensioni dhe paniku.
