Kryeministri Edi Rama në episodin e radhës të podcastit “Flasim” ka folur në lidhje me raportin për pasqyrimin e politikës në mediat shqiptare. Ai u shpreh se 60% e kohës televizive merret nga opozita, ndërsa shtoi se ndryshe nga sa pretendohet nga kjo e fundit, mediat në Shqipëri nuk janë të kapura.
“Çdo përpjekje për të kapur mediat është një përpjekje që nuk të çon në fitoren e zemrave dhe të mendjeve të njerëzve dhe nga ana tjetër patjetër që duke i lënë të lirë të gjithë thonë ato që duan, njerëzit e kanë pastaj më të thjeshtë që të bëjnë dallimin”, u shpreh ai.
Kreu i qeverisë shtoi se momentalisht jo vetëm PD, por i gjithë kampi i opozitës ka mungesë lidershipi.
