Shefi i diplomacisë shqiptare, ministri Ferit Hoxha ka nxituar të dalë me shpejtësi nga të gjitha grupet e shërbimit të jashtëm në rrjetin “WhatsApp”, menjëherë pasi dje një fotografi e bisedës së tij u publikua në media.
Ministri i Jashtëm i Shqipërisë i quante “idiotë” politikanët shqiptarë në Maqedoninë e Veriut, pasi nuk kishin reaguar në mbrojtje të Edi Ramës, pas artikujve në mediat vendase.
Një nga anëtarët e shërbimit diplomatik kishte fotografuar bisedën dhe ajo rrodhi në media, ndërsa Ministria e Jashtme u përpoq të sqaronte se e gjitha ishte një trillim dhe ministri nuk bënte pjesë në këto grupe.
“Po ata idiotët shqiptarë në Maqedoni çfarë thonë?”, PD akuzoi ministrin Hoxha për fyerje, reagon Ministria e Jashtme: Është për të ardhur keq që…
Menjëherë, Ferit Hoxha ka nxituar të dalë nga grupet e komunikimit në “Whats App”, por sërish ka lënë gjurmë. Këtë e ka konstatuar deputeti Belind Këlliçi, i cili ka qenë ndër të parët që publikoi skandalin. Ai ka zbuluar që janë larguar nga grupi dhe e ka publikuar sërish fotografinë.
“Ferit nuk ke pse vazhdon e diskretitohesh!!! Nuk të mbron dot as time zones të ndryshme dhe as dalja nga grupet e whatsapp! Je thjesht skandaloz dhe këtë po e fakton nga ora në orë!
Jep dorëheqjen dhe kërko falje publike për këtë turp e skandal të pashembullt! Ke përfunduar në pikën që mbrojtjen ta bën media e inceneratorit Tiranë, makineria e shpifjeve të leçjanit Bollino, të cilët ende nuk e kuptojnë diferencën e time zonave”, shkruan ai.
