Papa Leoni i XIV ka deklaruar se nuk ka frikë nga administrata e Donald Trump dhe se do të vazhdojë të shprehet publikisht, pas kritikave të Presidentit amerikan për komentet e tij mbi luftën me Iranin.
Duke folur për gazetarët gjatë udhëtimit me avion, Papa Leoni u shpreh: “Nuk do të hyj në debat. Gjërat që them nuk janë të drejtuara si sulme ndaj askujt.”
Ai shtoi se mesazhi i tij është për paqe dhe pajtim: “I ftoj të gjithë njerëzit të kërkojnë mënyra për të ndërtuar ura paqeje dhe pajtimi, për të shmangur luftën kurdo që është e mundur.”
Papa theksoi se do të vazhdojë misionin e tij: “Do të vazhdoj me atë që besoj se është misioni i Kishës në botën e sotme.”
Duke iu referuar kritikave të Trump, ai u shpreh: “Nuk kam frikë nga administrata Trump apo të flas hapur për mesazhin e Ungjillit, që është ajo që besoj se jam thirrur të bëj.”
Ai shtoi gjithashtu se Kisha nuk vepron si aktor politik: “Ne nuk jemi politikanë dhe nuk merremi me politikë të jashtme nga i njëjti këndvështrim si ata. Por besoj në mesazhin e Ungjillit si një mesazh paqeje.”
