Kryeministri izraelit Benjamin Netanyahu tha se Izraeli mbështet planet e Donald Trump për të bllokuar portet iraniane.
Komanda Qendrore e SHBA-së tha se bllokada ndaj anijeve që hyjnë dhe dalin nga portet do të fillojë nga ora 15:00 sipas kohës së Mbretërisë së Bashkuar sot.
Duke folur në një mbledhje të kabinetit sot, Netanyahu tha se Trump e lëshoi kërcënimin e tij sepse Irani “shkeli rregullat” gjatë bisedimeve maratonë të paqes me SHBA-në, të cilat dështuan në fundjavë.
“Presidenti Trump vendosi t’u imponojë atyre një bllokadë detare. Ne sigurisht e mbështesim këtë qëndrim të vendosur dhe jemi plotësisht të koordinuar me Shtetet e Bashkuara në çdo kohë”, tha ai.
Netanyahu tha se JD Vance e informoi atë pasi diskutimet maratonë në Pakistan dështuan të rezultonin në një marrëveshje.
Zëvendëspresidenti amerikan e telefonoi nga avioni i tij pasi u largua nga Islamabadi, tha ai, dhe “e bëri të qartë se çështja qendrore është heqja e të gjithë materialit të pasuruar dhe sigurimi që të mos ketë më pasurim”.
