Gjykata e Posaçme ka lënë në fuqi masën e sigurisë arrest me burg për Flodian Plaku dhe ish-shefin e krimeve Rezart Kuçi.
Prokuroria e Posaçme kundër Korrupsionit dhe Krimit të Organizuar, SPAK ndërmori një operacion të gjerë në qytetin e Vlorës të shtunën duke zbardhur dy atentate mafioze të ndodhura pesë vite më parë. Bëhet fjalë për vrasjen e Gentjan Qarrit më 6 shkurt dhe ekzekutimin e Bledar Birçajt më 10 mars të vitit 2021.
Sipas hetimeve të SPAK, dyshohet se pas këtyre ngjarjeve qëndron një grup kriminal i lidhur me Inez Hajrullën, një emër i njohur për autoritetet në qytetin bregdetar. Hajrulla, i konsideruar nga hetuesit si figurë me ndikim në botën e krimit në Vlorë, ka qenë më herët edhe vetë objektiv i disa atentateve, nga të cilat ka arritur të mbijetojë.
URDHËR-ARRESTET
Inez Hajrulla (kërkim)
Ervis Matodashaj (kërkim)
Flodian Plaku (ekzekutuar në burg)
Rezart Kuçi (ekzekutuar masa)
Hamëz Demushi (ekzekutuar masa në Zvicër)
Mendu Duka (në kërkim)
Arben Memishaj (në kërkim)
Argest Xhezani (në kërkim)
