Dy qytete në Kosta del Sol të Spanjës do ndalojnë burkën. Gratë që veshin burka nuk do të lejohen më të hyjnë në ndërtesat komunale në qytetet Rincon de la Victoria dhe Alhaurin el Grande.
Propozimi u paraqit nga partia e krahut të djathtë VOX, me politikanët që këmbëngulën se ndalimi ishte për arsye sigurie, si dhe për të “garantuar dinjitetin dhe sigurinë e grave”.
Këshilltari i VOX në Rincon de la Victoria, Carlos Chinchilla, e duartrokiti ndalimin dhe tha se “burka nuk do të lejohet në ndërtesat komunale pavarësisht kundërshtimit të së majtës, e cila përqafon një tolerancë të rreme që shkatërron identitetin tonë dhe, ‘rastësisht’, lejon simbolin më patriarkal që ekziston”.
Komentet e tij erdhën pasi partitë e krahut të majtë e kundërshtuan fuqimisht ndalimin. Në Rincon de la Victoria, ndalimi u miratua me mbështetjen e partisë politike të qendrës së djathtë PP, të udhëhequr nga kryebashkiaku Francisco Salado.
